1577 Resignatio arearum in Dobrzicza xenodochio

Resignatio arearum in Dobrzicza xenodochio

Personaliter coram iudicio et actis presentibus terrestribus Callissiensibus comparentes nobiles Albertus et Joannes Dobrziczczy in oppido Dobrzicza heredes fratres patrueles, sani mente ac corpore existentes, non compulsi nec coacti sed sponte, libere verbisque expressis invicem recognoverunt, quilibet pro se et per se.

Quia areas infrascriptas, ipse videlicet Albertus duas areas desertas Bębenkowszkye dictas in oppido Dobrzicza sittas, ille vero Joannes Dobrziczky domum in area Barwurkowska dicta in eodem oppido Dobrzycza consistentem, in qua honestus Petrus Szewczyk dictus eiusdem Joannis subditus habitat, una cum eodem Petro Sewczyk [!] subdito,

cum omni earundem [k. 569] arearum ac subditi prefati iure, dominio, proprietate, pertinentiis, attinentiis, fructibus ac utilitatibus generaliter universis, nullis penitus exclusis seu modo quovis minoratis seu reservatis,

in errectionem et aedificationem xenodochii ibidem in oppido Dobrzicza errigendi, curatoribus seu senioribus eiusdem xenodochii et ipsi xenodochio in posterum errigendo et aedificando, modo et iure perpetue et irrevocabilis resignationis dant, donant, inscribunt ac effective resignant, prout presentibus iam exnunc dederunt, donaverunt ac effective resignaverunt,

per ipsos curatores seu seniores xenodochio prefato constitutos et constituendos areas prefatas una cum subdito dicto tenendas, utifruendas ac pro meliori usu xenodochii prefati, prout ipsis curatoribus melius visum fuerit, convertendas temporibus futuris perpetuo duraturis, intromissione ac reali posessione bonorum eorundem hic circa acta presentia iam ex nunc illis concessa, nec in bonis eisdem ullo modo deneganda.

Super quo memoriale iudicio presenti solutum extat.

(-) Sventoslaus Orzelski de Orle, notarius terrestris generalis palatinatus Calisiensis, manu propria.

Or.: Kalisz Z. 21, rezygnacje/indukta, 1537; 1539; 1542; 1547; 1550; 1552-1555; 1557-1558; 1565; 1571; 1580; 1583-1584; 1586, k. 568v-569.

NN. Wojciech i Jan Dobrzyccy, bracia stryjeczni, dziedzice na mieście Dobrzyca, darowują place pod erekcję i budowę szpitala tamże: Wojciech dwa place puste zw. Bębenkowskie, Jan dom na placu zw. Barwurkowska wraz z jego poddanym Piotrem Szewczykiem tam zamieszkałym.

Pod zapisem, jako zamykającym serię rezygnacji z tego roku, podpisany Świętosław Orzelski z Orlego, pisarz ziemski generalny województwa kaliskiego.