1639 Valentinus Philipczyk civis Miełosłaviensis Annae consorti dotalicium reformat

Valentinus Philipczyk civis Miełosłaviensis Annae consorti dotalicium reformat. [s. 115]

Actum feria quarta post festum Pentecostes [15 VI] proxima anno Domini millesimo sexcentesimo trigesimo nono.

Coram officio advocatiali actisque scabinalibus Ponecensibus comparens personaliter honestus Valentinus Philipczyk civis Miełosłaviensis mente et corpore sanus, publice et expressis verbis recognovit.

Quia ex amore coniugali, habitaque ratione dotis centum florenorum in moneta Polonicali sigillatim per grossos triginta computando, cum honesta Anna coniuge sua, filia <vero> olim famati Adami Wiechcik legitima acceptorum reformavit ipsi dotalicii ducentos florenos itidem in moneta Polonicali.

Quam quidem summam ducentorum florenorum Polonicalium inscripsit et certificavit ipsi in domo et horto suo in platea Pyzdrensi, inter domos Francisci pannificis ab una et Adami sartoris altera ex parte in oppido Miełosław, dans et conferens eidem Annae consorti suae legitimae supra recensita bona videlicet domum et hortum adiacentem <cum> omnimodam potestatem, cum<que> omni iure, dominio, proprietate et cum omnibus utilitatibus atque usufructibus ex iisdem bonis provenientibus post mortem suam tam diu tenendi, possidendi et in usus suos convertendi, quam diu ipsi praedicta summa ducentorum florenorum Polonicalium a successoribus suis realiter et de integro non fuerit exoluta.

Quam dotalicii reformationem et inscriptionem memorata Anna ipsa per se et per famatum Nicolaum Ciechniewicz sororarium et tutorem suum legitimum grato animo suscepit, eandemque praesens judicium in omnibus et singulis suis punctis perpetuae firmitatis robur obtinere admisit et confirmavit de forma juris.

Or.: Akta miasta Poniec, wójtowska, 1637-1646, indukta, APP sygn. I 42, s. 114-115.

Walenty Filipczyk mieszczanin miłosławski żonie swojej Annie, córce niegdy sławetnego Adama Wiechcika, oprawia na domu swoim i ogrodzie przy ul. Pyzdrskiej 200 złp. posagu i przywianku. Mikołaj Ciechniewicz – mąż siostry (sororarius) i prawny opiekun Anny.