1639 Karasek et Choynowska agrum resignant Bocian.

Annus Domini 1639.

Karasek et Choynowska agrum resignant Bocianikowi

Actum in civitate Srzoda feria quarta ante festum seu in vigilia festi sanctorum Fabiani et Sebastiani Martyrum [19 I] anno Domini millesimo sexcentesimo trigesimo nono. [s. 774]

Coram juditio bannito et actis praesentibus spectabilium dominorum advocati et scabinorum civitatis Srzoda personaliter comparentes famatus Matheus Karasek lanio suburbanus Srzodensis, executor testamenti providi olim Francisci Slizyk suburbani Srzodensis et tutor liberorum ipsius minorennium, suo et famati Joannis Parusky civis Srzodensis alterius executoris nominibus, pro cuius ratihabitione ratione infrascriptorum cavet et fideiubet, nec non honesta Lucia Choynowska, famati Andreae Choynowsky suburbani Srzodensis coniunx legitima, cum personali eiusdem mariti sui assistentia, et habens penes se famatum Petrum Szadkowsky pelionem civem Srzodensem tutorem de consensu praefati mariti sui ad actum praesentem sibi assumptum ad omnia infrascripta per eam facienda et recognoscenda libere consentientem, mentibus corporibusque sani existentes, non compulsi nec coacti neque aliquo sinistro errore collusi ac circumventi, sed matura intra se deliberatione praehabita, ultro, libere, pure, manifeste verbisque expressis recognoverunt actuque praesenti recognoscunt.

Quia ipsi (concordia certa iam inter successores providi olim Francisci Slizyk suburbani Srzodensis interveniente) duas partes quartae agri videlicet octo sulcos, morte olim praefati Slizyk derelictos, in fundo civitatis huius versus Zielniki post hortum providi Adami Skąpy lanionis suburbani Srzodensis, inter agros famati Joannis Czaplia ab una et Pauli Jarmuzek ab altera partium iacentes, cum omni iure, dominio, proprietate ac titulo hereditario, nec non cum omnibus et singulis utilitatibus, usibus, fructibus, reditibus, proventibus, emolumentis, attinentiis, pertinentiis et generaliter obventionibus universis, nullis penitus exceptis nec pro se ac cuiquam reservatis, ita late, longe et circumferentialiter, prout ex antiquo in suis terminis ac metis consistit et prout easdem antecessores sui tenuerunt, habuerunt et possederunt,

provido Nicolao Bociąnik alias Mrugala, fabro ferrario suburbano Srzodensi, et eius legitimis successoribus in et pro summa certa peccuniaria trecentorum florenorum Polonicalium iam plenarie et in effectu levata et percepta, de cuius summae perceptione praefati recognoscentes praenominatum Nicolaum emptorem actu praesenti perpetuis quietant temporibus et liberum suis cum successoribus faciunt, vendiderunt, dederunt, donaverunt, inscripserunt et iuxta iuris civilis ac consuetudinis formam titulo perpetuo et irrevocabili iudicialiter resignaverunt, prout actum per praesentem vendunt, dant, donant, inscribunt et resignant, intromissionem realem et pacificam possessionem cum plenario [s. 775] usufructu in praenominatum agrum exnunc de facto admittunt.

Dando et concedendo praenominati venditores recognoscentes praedicto Nicolao Bociąnik emptori et eius legitimis successoribus praedictum agrum vigore resignationis praesentis cum omni iure, dominio, proprietate ac titulo haereditario perpetuo et in aevum tenendi, habendi, possidendi, utifruendi, dandi, donandi, vendendi, comutandi, alienandi, resignandi et in usus suos ac suorum successorum beneplacitos libere convertendi.

Promittendo praefati venditores ac se praesentibus obligando ac inscribendo praenominatum Nicolaum emptorem ac eius successores ab omni impedimento, si quod imposterum emerserit, tueri, evincere, eliberare, intercedere ac indemnem suis propriis sumptibus quoties opus fuerit reddere, nulla re exquisita ipsam evictionem evadendo.

Quae quidem venditio, resignatio, quietatio, intromissio cum evictione authoritate iudicii praesentis admissa et confirmata est habere vim et robur perpetue firmitatis in omnibus suis contentis, punctis, clausulis, conditionibus et articulis de forma iuris. Et contra quem si quis tacuerit annum et diem, silentium habiturus est temporibus perpetuis iuxta praescriptum iuris Maydeburgensis. Super quo memoriale iuditio solutum.

Or.: Akta miasta Środa, Księga wójtowska, 1615-1642, indukta, sygn. I 32, s. 773-775.

Mateusz Karasek rzeźnik podmieszczanin średzki, jako wykonawca testamentu Franciszka Śliżyka podmieszczanina śr. i opiekun sierot małoletnich po nim, wraz z Łucją Chojnowską ż. Andrzeja Ch. podmieszczanina średzkiego po zawarciu pewnej ugody między spadkobiercami Śliżyka, sprzedali dwie kwarty roli tj. osiem zagonów po nim zostałych (na gruncie miejskim ku Zielnikom za ogrodem Adama Skąpego rzeźnika, między rolami Jana Czapli i Pawła Jarmużka) za 300 złp. Mikołajowi Bocianikowi alias Mrugale kowalowi podmieszczaninowi średzkiemu.

Interpunkcja: W transkrypcji pominięto wyjątkowo częste przecinki intonacyjne.