1759 Mcus Morawski Mcum Morawski Plentem Inscribit

Actum in castro Posnaniensi feria sexta post dominicam Laetare Quadragesimalem [30 III] proxima anno Domini 1759. [s. 126]

Magnificus Morawski magnificum Morawski plenipotentem inscribit.

Magnificus Cajetanus de Chomęcice Dzierzykray Morawski capitaneida Gniewkoviensis, sanus mente corporeque existens, recedendo etc. recognovit.

Quia ipse, cum praesto ob legalitates negotiaque suas pro termino satisfactorio pro crastino festi Natalis sancti Joannis Baptistae [25 VI] anno currenti ex mente decreti terrestris Posnaniensis inter magnificum Cajetanum Morawski et generosum Kalkrayter lato sua propria in persona comparere non valens, proinde in locum sui verum, legitimum et indubitatum vadiatumque plenipotentem generosum Paulum Morawski sui recognoscentis filium elegit, inscripsit, constituit et solenniter ordinavit, [s. 127] prout ordinat actu praesenti,

dando et concedendo eidem generoso Paulo Morawski plenipotenti suo vadiato plenariam facultatem et omnimodam potestatem marcas per decretum terrestre Posnaniense adjudicatas una cum poena luita sui recognoscenti solvi injuncta recipiendi et de <eis> receptis quietandi in decreto eodem specificatis;

in casu vero contraventionis decreto eodem:

- manifestationem seu diligentiam cum rigore publicandae poenae bannitionis faciendi,

- rigoremque ejusdem decreti exequendi,

- pro ratihabitione sui recognoscentis sese inscribendi,

- caeteraque munia et officia, quae ipsi esse meliora et commodiora videbuntur jusque et ratio poposcerit, peragendi, [s. 128]

promittens ac sese offerens id totum, quidquid per eundem plenipotentem suum vadiatum gestum, factum conclusumve fuerit, pro rato et grato suscepturum et praemissa omnia actis authenticis Regni approbaturum, idque sub damnis terrestribus simpliciter taxandis, citatus hic recognoscens responsurus peremptorie.

Ex protocollo castrensi Posnaniensi extractum.

(-) Correxit Ziemięcki.

(-) Legi: Łabiński.

Odp.: Papiery Morawskich. Akta poznańskie 1744-1783, s. 125-128.

Kajetan z Chomęcic Dzierżykraj Morawski starościc gniewkowski, jako że z powodu zajęć nie może stanąć na termin wyznaczony dekretem ziemskim poznańskim w sprawie przeciwko Kalkreiterowi, mianuje plenipotentem syna swego Pawła.