Sub eodem actu [14 IV 1749].
Honoratus Gorski magnifico
Morawski lapideam obligat.
Honoratus Mathias Gorski civis et
sartor civitatis Sacrae Regiae Majestatis Posnaniensis, lapideae
in circulo fori civitatis ejusdem inter lapideas nobilium Barentow ab
una et honoratorum Raczkowskich parte ab altera sitae, quondam
Białkiewiczow, post Karpińskich, demum Drużynskich nuncupatae,
vigore jurium a magnifico Alberto Dzierzykray Morawski notario
castrensi Gnesnensi in personam sui cessorum possessor,
sanus mente corporeque existens, recedendo etc. recognovit.
Quia ipse totam et integram
eandem lapideam in circulo fori civitatis praesentis inter lapideas
nobilium Barentow ab una et honoratorum Raczkowskich parte ab altera
sitam, quondam [s. 49] Białkiewiczow, post Karpińskich,
demum Drużynskich nuncupatam, praecipue vero hippocaustum parvum cum
camera in prima condignatione in aula situm, in secunda condignatione
vero hippocaustum cum aservaculo alias alkierz, nec non
fornicem a fronte lapideae ejusdem existentem, atque stabulum parvum
omniaque in ibidem existentia ad mentem contractus
inter se recognoscentem et eundem magnificum Morawski notarium
castrensem Gnesnensem Lesnae die decima quinta Januarii anno
praesenti initi et conscripti fusius expressa,
tum et alia quaevis aedificia in
eadem lapidea existentia cum attinentiis, pertinentiis, emolumentis,
usibus fructibus et generaliter conditionibus universis, cum omni
jure, dominio et proprietate sibi recognoscenti servientibus et
competentibus, ita late, longe et circumferentialiter, prout lapidea
eadem cum praedictis hippocaustis ac aedificiis quibusvis in ibidem
existentibus et [s. 50] adjacentibus in sua circumferentia
continetur et prout ipsemet recognoscens et anteriores haeredes ac
possessores eandem lapideam tenebant et possidebant ac utifruebantur,
nihil omnino juris, dominii ac proprietatis quorumvis usu fructuum ex
lapidea eadem suprascriptis structuris praemisso contractu expressis
tantum pro se suisque successoribus reservando et excipiendo,
eidem magnifico Alberto
Dzierzykray Morawski notario castrensi Gnesnensi et ipsius
successoribus in et pro summa mille sexcentorum florenorum
Polonicalium pro praetio juris cessi restanti, infra hinc ad trium
integrorum annorum sese continuo et immediate sequentium decursum,
videlicet ad feriam quartam post dominicam Conductus Paschae in anno
Deo dante venturo millesimo septingentesimo quinquagesimo secundo
incidentem [12 IV 1752], pro quo tempore et termino idem
honoratus Gorski civis Posnaniensis aut illius successores eundem
magnificum Morawski aut illius [s. 51] successores reali
summae suprascriptae mille sexingentorum florenorum Polonicalium
exolutione eximere tenebitur, dedit, donavit, vendidit, inscripsit et
modo obligatorio invadiavit, prout quidem etc.,
intromissionem in lapideam eandem
et praecipue structuras suprascriptas ac contractu expressas tantum
eidem magnifico Morawski notario castrensi Gnesnensi dat et admittit,
et in loco lapideae ejusdem daturum et admissurum se offert,
evictionem generalem ab omnibus impedimentis juridicis et
extrajuridicis cavet, ac pro ea se in et super tota eadem lapidea ac
summis quibusvis pecuniariis habitis et habendis eidem magnifico
Morawski notario castrensi Gnesnensi et illius successoribus
inscribit et obligat, idque sub vadio mille sexingentorum florenorum
Polonicalium citatus hic sive in foro competenti responsurus.
Ex protocollo castrensi
Posnaniensi extractum.
(-) Correxit Ziemięcki.
(-) Legi: Łabiński.
Odp.:
Papiery
Morawskich. Akta poznańskie 1744-1783, s.
48-51 (Lwów,
Biblioteka Naukowa im. W.
Stefanyka NAN Ukrainy. Oddział Rękopisów. Zespół 4, dział I,
sygn. 1064).
Maciej Górski,
krawiec i mieszczanin poznański, posesor kamienicy w Rynku
poznańskim stojącej między kamienicą Barentów a kamienicą
Raczkowskich, zastawia ją Wojciechowi Dzierżykraj Morawskiemu,
pisarzowi grodzkiemu gnieźnieńskiemu. Należała ona wcześniej
najpierw do Białkiewiczów, potem do Karpińskich, wreszcie do
Drużyńskich. Na I piętrze w holu znajduje się piecyk
(hippocaustum parvum) z komórką, na II piętrze piec z
alkierzem, od wejścia piwnica (fornix), przy kamienicy
stajenka (stabulum parvum). Górski nabył
kamienicę od Morawskiego na mocy kontraktu zawartego w Lesznie 15 I
1749. Teraz zastawia ją w sumie 1.600 złp. należnych za cesję
praw do kamienicy przez Morawskiego na jego osobę, na okres 3 lat,
zobowiązując się złożyć tę sumę do 12 IV 1752.
Brak komentarzy:
Prześlij komentarz