1558 Resignacio per preptum Obornicen. Sokolniczkiemu facta

Resignacio per prepositum Obornicensem Sokolniczkiemu facta.

Actum in castro Posnaniensi feria sexta post octavam Sacratissimi Corporis Christi proxima anno Domini millesimo quingentesimo quinquagesimo octavo [17 VI 1558], coram magnifico domino Janussio a Kosczielecz palatino Siradiensi et Maioris Polonie generali Naklensique capitaneo, presentibus nobilibus Procopio Zbenkowsky, Petro Comirowsky, Joanne Borzimowsky, Joanne Kiethlinsky, Nicolao Skrzethusky etc.

Veniens personaliter honorabilis Mathias Wawrosky prepositus in Obornyky, non compulsus, non coactus etc., sanus mente et corpore etc. Totalia et integra bona sua domus et arearum circa eandem domum ex utraque parte adiacentium, ante castrum Posnaniensem penes domum providi Jacobi vitreatoris alias skliarza in civitate Posnaniensi in platea dicta Podgorką vicinaliter iacentia, necnon sortes ville et hereditatis Pieranye in districtu Juniwladislaviensi sitte,

in summa quadringentorum florenorum, per triginta grossos computando, peccuniarum Polonicalium generoso olim Laurentio Sokolnyczky notario castri Posnaniensis consanguineo suo quomodolibet obligata seu alias summae prefatae taliter ut premissum est in bonis prefatis inscriptae, que videlicet bona super ipsum iure naturalis suctessionis post prefatum olim generosum Laurencium Sokolnyczky [s. 535v] castrensem Posnaniensem notarium devoluta sunt,

cum omni iure, dominio et proprietate etc., necnon cum omnibus dictorum bonorum utilitatibus etc., nullis exceptis, ita late, longe etc.,

dono perpetuo et irrevocabili nobili Stanislao Sokolnyczky consanguineo suo et ipsius suctessoribus legittimis dedit, donavit, inscripsit et iuxta terre consuetudinem in perpetuum resignavit, seu alias omne et totum jus suum, quod ex vi eiusdem suctessionis post prefatum generosum Laurentium Sokolnyczky ad bona prefata et summam pretactam competit et competere poterit, in personam ipsius Stanislai Sokolnyczky et eius suctessorum transfudit et transportavit, prout presentibus transfundit et transportat.

Jamque ex nunc dedit et admisit prefatus prepositus in Obornyky eidem Stanislao Sokolnyczky realem intromissionem et actualem possessionem predictorum bonorum, per ipsum Stanislaum Sokolnyczky et eius suctessores eadem bona tenen(di) etc.

Or.: Poznań Gr. 19, rezygnacje/indukta, 1552-1560, s. 535-535v.

Teki Dworzaczka:

Grodzkie i ziemskie > Poznań > Rezygnacje > XVI wiek

8618 (Nr 1396) 1558

X. Maciej Wawrowski, prob. w Obornikach, dom i plac koło zamku pozn. na ulicy Pod Górką i cz. wsi Pieranie p. inowrocł. w 400 zł. ol. G. Wawrzyńcowi Sokolnickiemu, pis. gr. pozn., krewnemu swemu, zastaw., i inną sumę tam zap., dobra spadłe nań po ol. G. Sokolnic. daje krewnemu swemu Stanisławowi S-mu (f. 618)