Actum in castro Siradiensi feria quinta in crastino foesti Natalis
sancti Joannis Baptistae [25 VI] anno Domini millesimo
sexcentesimo quindecimo coram magnifico Joanne a Byki Bykowski
capitaneo Syradiensi Vartensique etc. ac generosis Georgio Dambrowski
vicecapitaneo, Nicolao Krzywanski burgrabio, Stanislao Korytkowski
notario, officialibus castri Syradiensis, praesentibus generosis ac
nobilibus Adamo Węzyk, Chrysostomo Łyszkowski, Olbrachto Węzyk
venatore terrae Syradiensis, Janussio Zaremba, Petro Rudniczki,
Joanne et Sigismundo Skrzynskie, Jacobo Muchninski, Martino
Rogozinski, Joanne Swierczowski, Joanne Tarnowski pocilatore
Syradiensi, Joanne Kawieczki, Stanislao Tworowski, Jacobo Narembski,
Nicolao Poniatowski, Alberto Kaczkowski, Gregorio Kosmaczki, Gallo
Osieczki, Joanne Molski, Nicolao Kamienski, Andrea Krąkowski ac
aliis multis testibus omni fide et honore dignis. — — [k.
68av]
Fundus xoenodochii in oppido Jeziersko
Comparens personaliter coram officio et actis praesentibus
castrensibus Syradiensibus generosus Petrus Solkowski in oppido
Jesiersko et alibi haeres, mente ac corpore existens sanus, a terra,
districtu omnique iure, foro ac iurisdictione suis quibusvis propriis
ac competentibus recedendo eisdemque hac in parte renunciando,
praesenti vero capitaneali castrensi Syradiensi iure ac iurisdictioni
secum bonis omnibus ac successoribus suis libere incorporando, palam
ac benevole recognovit.
Quia motus existens devotione ac bono zelo pietatis ductus, cernens
omnia quae ambitu coeli teguntur propter hominem ordinata esse,
hominem autem propter colendum Deum creatum esse, proinde etiam
quidpiam de facultatibus suis sibi a Deo tributi tum ad cultum
divinum tum ad sublevandam pauperum inopiam impartiri volens, terrena
pro coelestibus bonis commutare cupiens, desiderans etiam in vita sua
memoriam sempiternam pro anima sua facere, bissulcos agri quatuor in
campo et haereditate oppidi Jesiersko consistentes, inter agros
tabernatoris generosi Dobrogostii Sulimowski et penes domum
Karbaszewski nuncupatam in longum prout videlicet sese extendunt agri
praedicti in longitudinem, cum omni iure, dominio, proprietate,
pertinentiis, attinentiis, usibus fructibus, proventibus ac
utilitatibus generaliter universis ex praefatis agris quovis modo
provenientibus, nihil ex eisdem sibi ac suis successoribus
excipiendo, verum prout eosdem solus tenuit, habuit, possedit ac eis
utifruebatur, generi per speciem et e contra in nullo derogando, [k.
69] pro xoenodochio et pauperibus in eodem xoenodochio degentibus
in praefato oppido Jesiersko fundando et erigendo in vim elaemosinae
[?] dat, donat, inscribit et resignat in effectu prout
praesentibus dedit, donavit, inscripsit et resignavit in effectu ita
ut in eodem fundo et agro xoenodochium seu domus pauperum sive
per ipsum recognoscentem successoresque eius sive etiam per alios
parochianos ad ecclesiam oppidi eiusdem spectantes cui videlicet
illorum Deus praepotens id faciendi instinctum dederit et qui sese
obtulerit erigatur, construatur et pro commodo ac utilitate
pauperum ibidem protunc et in futurum existentium aedificetur, cum
potestate plenario per ipsos pauperes xoenodochii illius protunc et
in futurum existentes praedictos agros tenendi, habendi, possidendi
et in usum ac sublevationem sustentationemque eorundem pauperum
convertendi temporibus perpetuis.
Et iam exnunc praefatus recognoscens Petrus Solkowski, gratiosus
collator beneficii huius, eisdem pauperibus xoenodochii illius
protunc et in futurum ibidem circa ecclesiam degentibus in praefatos
agros praedicto modo collatos et resignatos dat et de facto admittit
intromissionem realem cum effectiva et actuali possessione eorundem
per ministerialem ac duos nobiles quandocunque fore capiendi et
apprehendendi.
Or.:
Sieradz grodzkie, Libri inscriptionum, 1615-1617, indukta,
AGAD sygn. 121, k. 65, 68av-69.
G. Piotr Sułkowski, dziedzic miasteczka Jeziersko (dziś wieś
Jeziorsko w gm. Warta), darowuje 4 składy roli miejskiej, położone
między rolami karczmarza G. Dobrogosta Sulimowskiego przy domu
zwanym Karbaszewski, pod budowę szpitala. Budową zajmie się sam,
jego spadkobiercy lub też inni parafianie miejscowego kościoła, zależy kogo z nich Bóg wszechpotężny do tego natchnie.
Brak komentarzy:
Prześlij komentarz